香港經典「雞車」G36 勝利重生！

Welcome to our international readers!

• If you’re from Facebook: Since you’ve already read the full story there, please feel free to scroll through and focus on the display boards and close-up shots of G36's restoration details (like the 3D-printed parts and engine components) which weren't fully shown in the social post. Enjoy the visual journey of "The Rebirth of Victory II"!
• If you’re from other platforms: This article documents the miraculous restoration of the Leyland Victory II (G36) in Hong Kong. Feel free to enjoy the high-resolution photos of this legend's rebirth. For the full story in English, you may check out our technical highlights on the display boards below each image and scroll down to the bottom for the full English version.

---

【香港經典「雞車」利蘭勝利二型 G36 勝利重生！】

講到香港巴士界嘅傳奇，一定唔少得利蘭勝利二型（Leyland Victory Mark 2）。呢款專門為香港地形研發、全球獨一無二嘅車款，絕對係大家心目中嘅經典。雖然「雞車」退役咗超過二十年，除咗遠赴英國嗰部之外，好在香港仲有一班有心人默默守護，並進行復修工程。

今次展覽嘅主角 G36 (CA7949)，身世相當傳奇。退役後曾被發現閒置喺沙頭角公路軍地旁一個汽車維修場做「雜物倉」，直到 2016 年中，由擁有平頂珍寶 D989 嘅「紅燈籠 - The Red Lantern」團隊買入並展開保育復修。經歷咗咁多年，2026 年終於重生了！

今次修復嘅重大意義，係車主林柏深 (Sam) 同香港恒生大學合作。策展人兼藝術設計系講師林兆榮 (Swing/榮仔) 將古董巴士修復變成一個文化藝術課堂，聯同一班年輕學生落手落腳參與翻新。雖然同學仔嘅專業復修經驗尚淺，但進度理想，現正喺校園展示。公眾人士可以上網預約5月1-2日導賞團。

【朝聖小插曲：阿姐的人情味】

講返今日去朝聖嘅小插曲，雖然官方話要預約，而我哋未成功預約到，本來都只想碰運氣。點知去到校園門口，看更阿姐一見到我哋，就主動問：「係咪睇巴士啊？」我哋即刻話係，佢就叫我哋行到最入就見到。睇嚟呢部 G36 嘅魅力，真係連校園每個角落嘅人都感受到！

沿住指示行到最入，見到呢個經典嘅紅黃色車影……冇錯喇！就係佢！

【第一站：勝利重生站牌】

喺進入導賞區前，需要喺呢個非常有特色嘅站牌排隊。據小妹妹介紹，呢個站牌其實係由「真．古董」同「新創意」結合而成：站牌本身係真品，而支桿就由學生重新油上黑白相間嘅復古顏色，還原當年嘅街頭風味。用一個重型巴士鈴做底座，企喺校園入面非常有壓場感。

至於最頂嗰個寫住「勝利重生」同印有巴士圖案嘅圓牌，就係佢哋嘅改造作品。

【導賞現場：睇真實環境】

導賞團正式開始，第一站係睇展板。聽住負責導賞嘅學生小妹妹講解，內容對一般市民嚟講或者夠用，但對於我哋呢啲追求細節嘅行家嚟講，睇到真實環境比較重要。

勝利重生：展板https://youtu.be/2QdquxIdIoo?si=20uHi0HQ3YX2cX24

之後跟住小妹妹上車參觀，等大家可以喺外觀以外，有唔同角度了解呢部 G36 嘅內籠復修進度。

因為前面好多雜物未整好，所以今次中門上車

勝利重生：引擎蓋、偷師位https://youtu.be/DIBJcA5Tu-g?si=48x_8w2YE1-N29Tx

司機位

真古董旁板保養得好好，仲有以前手掃廣告

https://youtu.be/AYxHlfCDoTk?si=gzxAdP5y-dzoUzoW

上樓上

潛望鏡

仿製布牌機

真玻璃大燈 VS 3D 打印

模型

舊巴士座位

落返下層

影多次司機位

車頭

【專業深度：36 號的命運與重生】

不過，今日最精彩嘅部分係喺導賞團之外。落返車影相嗰陣，見到有行家喺度問嘢，我哋即刻走去聽同問。原來呢班先係背後救車嘅專業機械工程師（好似聰哥佢哋）。有人想睇下車外打開呢個蓋係咩

原來都係引擎風格

https://youtube.com/shorts/CsdxJFfg_QY?si=Si0fvGo83EJpJL2t

水箱蓋

聽聰哥分享先知，原來 G36 嘅重生背後，係蘊含咗其他「兄弟」嘅犧牲——包括 G490 (CW9345) 同 G97 (CC5426) 捐出嘅頭牌箱玻璃、下層擋風玻璃、上車門原裝 PLC 閘板同埋對中門等等。而最核心嘅「心臟移植」，就係將城巴「鋸樹雞」36 嘅引擎移入 G36 體內。

我哋仲問到點解唔直接救 36 號？聰哥話係因為當時環保退稅政策限制，城巴必須將部車肢解，所以 36 號係無辦法成架留低。不過聰哥好有感觸咁講咗句：「加上英國嗰部 LV36，『36』呢個數字對勝利二型嚟講真係好意頭，點都係『唔會死得去』！」

期間，有觀眾想睇點樣掃車隊編號，聰哥即席揮毫。

梯位

https://youtu.be/9YqLrD_ZA94?si=bmPEOxAcrJ72F-P7

車尾

https://youtu.be/EzVoqHig_48?si=xUIkKX7EDMrRmpeS

【結語】

今次「勝利重生」展覽，睇到嘅唔止係一部巴士嘅外殼，仲係一種香港人對工藝同歷史嘅堅持。G36 能夠由軍地嘅雜物倉行返出嚟，背後每一塊零件、每一層油漆都係心血。

如果大家聽日（5 月 2 日）有時間，強烈建議去恒大感受下呢份熱血，親眼見證呢部經典點樣喺新一代手中再次閃耀！

------------------------------

 [Heritage Reborn] The Legend of Hong Kong: Leyland Victory II (G36) Restoration

Headline: "The Rebirth of Victory II" – A Hong Kong Icon Returns

For followers of British bus history in Asia, the Leyland Victory II (fondly known as the "Chicken" bus in HK due to its famously bouncy leaf-spring suspension) is an absolute icon. Designed specifically for Hong Kong’s steep terrain and demanding "One-Man-Operation" (OMO) in the late 70s, it is a model that truly defined an era of colonial transport.

After more than 20 years since its retirement, one particular unit — G36 (CA7949) — has made a miraculous return to the spotlight through the exhibition "The Rebirth of Victory II", a collaborative effort between the local preservation team "The Red Lantern" and The Hang Seng University of Hong Kong (HSUHK).

A Bridge Between Professional Craftsmanship and Student Passion

The restoration of G36 is a unique blend of professional engineering and educational outreach. The project was structured as a "living classroom" for Art and Design students, bridging the gap between seasoned experts and a younger generation with little prior knowledge of vintage transport.

The Project Leads:

* Owner: Mr. Sam Lam, whose vision and persistence saved G36 from being lost forever in a scrapyard. [紅燈籠 - The Red Lantern]

* Curator & Educator: Mr. Swing Lam, a lecturer at HSUHK who integrated the restoration into a cultural and design curriculum. [藝術．交通．散步．林兆榮SwingLam]

* Lead Engineer: Master Yung (also known as "Brother Chung"), the technical mastermind whose professional expertise guided the entire mechanical revival.

 The Art of "Mechanical Transplantation"

While the amateur students took part in the aesthetic restoration—such as sanding, priming, and repainting the iconic red and yellow livery—the technical soul was handled by Master Yung. Due to the scarcity of parts, this was a true "organ transplant" operation:

* Salvaged Parts: Essential components like the destination blind boxes, windscreens, and original PLC gates were salvaged from other decommissioned Victory II units (G490 & G97).

* The Heart of a Citybus: Interestingly, the engine was transplanted from an ex-Citybus "Tree-cutter" (Bus 36). Due to local environmental tax regulations, the original Citybus unit had to be dismantled, but its heart lives on inside G36.

* Modern Tech meets Heritage: To overcome the challenge of discontinued parts, the team used 3D printing to recreate the rear light housings, ensuring every detail matched the original 1980s specifications.

A Legacy Preserved

The exhibition (held on May 1st-2nd) was filled with nostalgic touches, including vintage-style bus stops with hand-painted black-and-white poles recreated by the students.

As Master Yung poignantly noted during the restoration: Between this G36 and the LV36 preserved in the UK, the number "36" seems to be a lucky charm for the Victory II — it simply refuses to fade away.

Seeing this legendary machine standing tall again is a testament to Hong Kong's passion for transport heritage and the power of passing professional skills down to the next generation.

【福岡小巴觀察】Toyota Coaster：係票價嘅延伸，定係祭典嘅王者？

【引言 / 日本語読者の皆様へ】

（廣東話版本：睇廣東話嘅朋友，拉落去直接開始故事！）

Facebook（路線バス・観光バス大好きグループ）からお越しの方へ：

SNSでの解説をすでにお読みいただきありがとうございます。ここでは、SNSでは掲載しきれなかった「28名乗り」の極限シートレイアウト（補助席配置）や、舞鶴公園の「屋台王」のディテール写真を直接ご確認いただけます。まずは、専門的な視点でこれらの貴重な記録をじっくりとお楽しみください。

検索や他サイトからお越しの方へ：

まずは福岡で見かけたトヨタ・コースターの「転生」を感じさせる写真をご覧ください。ページ最下部には、日本語による考察レポートも掲載しております。皿倉山送迎バスの運用の真相と、キッチンカーとしての再起について詳しくまとめています。

---

【福岡小巴觀察】Toyota Coaster：係票價嘅延伸，定係祭典嘅王者？

講起 Toyota Coaster，我哋香港人都好熟悉啦，無論紅小、綠小，或者邨巴都見到佢蹤影！今次去到福岡，一樣見到 Coaster 多過 Rosa，亦發現呢種車型喺呢度同樣可以玩一場極之精彩嘅「身位轉生」。

 1. 皿倉山接駁巴：係福利，定係票價嘅延伸？

喺 JR 北九州市八幡站 出口，我哋等緊「無料送迎」接駁巴上山去轉乘皿倉山纜車。睇網站介紹話會有一架 28 座車輛，正當我好奇呢架會係咩車嘅時候，一架橙色車身、掛住白底綠字車牌嘅 Coaster 就準時出現喺眼前。

2026-03-22

11：04 八幡站 

上到車發現，雖然都係 2+1 嘅原裝座位佈局，但佢嘅空間利用非常極致：車門前面塞咗兩張位。

而喺 2 座位嗰邊加裝咗補助席（摺椅）；加上車尾無整緊急出口門，空間可以放足 4 個位，令一架細巴仔可以做到 28 座嘅載客量。

呢種配置既有足夠運力，唔需要動用到成本高昂嘅大巴，更加方便上八幡站嘅山路，係最精算嘅選擇。

11：14 皿倉山纜車站

好多遊客見到「無料（免費）」兩個字就覺得係福利，但對比返大部分遊客都唔係行山客，大家最後都係要畀錢搭纜車。所以呢架 Coaster 其實係 ¥1230 纜車票價嘅一部分。佢嘅身分唔係慈善家，而係一個確保遊客能順利進入收費閉環嘅配套零件。如果無咗呢架 Coaster 做「最後一哩路」嘅鎖定，好多散客根本唔會入局。

要明白舊車點解有咁多用途，我哋必須要拉闊整個日本巴士產業鏈嘅生存動線。

2. 遇到新車嘅啟發

喺 3 月 23 號12：06去糸島自駕嘅公路途中，我快閃捕捉到呢架現行最新款、車頭帶著標誌性黑色粗邊嘅第七代 Toyota Coaster 歐盟六期版本（福岡 200 あ•462）。車頭掛住嘅「白底綠字」車牌透露咗佢嘅身世——呢架車並非普通嘅罐頭租車，而係屬於福岡市城南區傳媒後勤公司「Media Support」旗下嘅現役外景專車，專門負責電視台外景拍攝同藝人接送。

📊 精算師嘅產業鏈觀察：

如果睇巴士只會單獨睇一架車，的確無特別，但喺營運學上，呢啲源源不絕投入一線市場、日夜早出晚歸嘅「新兵」，其實默默定義緊唔同車輛嘅折舊與生存「身位」：

現役外景車嘅名份：日本咁多豐田Coaster大城市嘅傳媒後勤公司，為咗維持高稼動率同緊密嘅拍攝日程，喺同樣保養條件下，直接不斷買入最先進、符合最新環保法規嘅現役新車，然後換走舊車，應該會比不斷維修化算。行得嘅就會喺啲二線城市，甚至鄉郊地區出現，唔行得都可以有以下嘅用途。

3. 舞鶴公園「蟹王」：亂世中嘅子彈頭情懷

轉個頭去到舞鶴公園嘅櫻花祭典，現場美食車嘅競爭可以用「激戰」嚟形容。起初，我係抱住「掃街」嘅心態，乜嘢美食車都影一餐。但影到一半，當見到啲食物開始重複、審美開始疲勞嘅時候，呢架全鮮黃色、完整保留原裝「子彈頭」造型嘅 Coaster 突然殺出，成功令我停低咗快門。

2026-03-26 

8：47PM 舞鶴公園

喺呢片由全新貨車，甚至歐系 Fiat 或 Iveco 改裝而成嘅美食車海入面，點解要特登搵架舊小巴嚟改？論外型，嗰啲歐系車其實都真係好靚、好有異國風情，而且原裝就係一體化（Walk-through）結構。但呢架由舊校車轉生嘅 Coaster 依然有佢無可取代嘅魅力：

* 視覺上嘅「身分救贖」：呢架「YATAI KING（屋台王）」全車鮮黃色且無改色，車頭無燈箱、無路線牌，專業嘅一睇就知佢嘅前世 99% 係一架校車（通園巴士）。褪去咗接送細路嘅溫馨責任，呢架老兵保留咗嗰抹醒目嘅校車黃，轉身披起黑色嘅蟹肉大旗，喺祭典戰場入面化身做供應美食嘅「移動堡壘」。

* 成本與結構嘅雙重救贖：正因為日本校車法規極嚴，一旦到咗年限就要強制淘汰，所以呢類二手底盤喺市場上嘅殘值極低。商家只需用「廢鐵價」買返嚟，喺呢副耐用嘅老底（個底）上發揮創意，就係最精算嘅創業。

* 一點專業感嘅建議：雖然呢架車改得好完整，但如果有留意嘅話YAKIN KING下面有STREET STALL PLANNING細字，如果呢間係提供租車服務嘅公司，我會建議加返原裝車頂燈箱。喺巴士語境入面，文字就係「目的地」，如果可以畀租用者直接攝入自己嘅招牌或菜單，嗰種專業感同「身位」會更加突出。

總結：Coaster 嘅生存哲學

同一個車型，喺福岡展現咗兩段截然不同嘅生命：

* 皿倉山版本：係制度內嘅「精算零件」，透過 28 座極致空間同靈活身段撐起票價。

* 舞鶴公園版本：係制度外嘅「自由創業家」，喺歐系美學包圍下，利用廉價校車底子同經典造型突圍而出。

無論你前世係做乜，只要底子夠硬，喺邊度總會搵到第二人生。

【福岡マイクロバス考察】皿倉山送迎の「28名乗り」と、舞鶴公園で出会った「屋台王」

トヨタ・コースター。日本中どこでも見かけるこのマイクロバスは、場所によって極めて興味深い「アイデンティティの転生」を見せてくれます。今回、福岡で見かけた二つの対照的な事例から、その運用美学を考察します。

📊 1. JR八幡駅前：28名乗りを実現した「極限の収容力」

JR八幡駅前で皿倉山ケーブルカーへの「無料送迎バス」を待っていると、オレンジ色のコースターが登場しました。公式サイトに記載された「28名乗り」という数字の真相は、車内にありました。

2+1のシート配列に加え、通路側には補助席をフル装備。さらに後部非常口を設けない仕様を選択することで最後部に4席を確保し、このサイズで「28名」という驚異的な収容力を実現しています。

【香港の28名乗りとの比較】

私の故郷・香港でもコースターの28名乗りは存在しますが、手法が全く異なります。香港では「シート自体をスリム化（窄位）」して固定配置し、常に28名分のスペースを確保するのが一般的です。

一方、日本の「補助席によって必要な時だけ通路を埋める」という柔軟な空間利用は、香港のファンから見ると非常に合理的で新鮮に映ります。八幡の狭い山道を機敏に走りつつ、団体客にも対応する。これこそが、高稼働・低コストを両立させた最も精算（計算）された選択です。

🏔️ 2. 皿倉山山頂にて：無料送迎は「運賃の一部」であるという救済

この「ラストワンマイル」を担うコースターの機動力（28名収容）がなければ、往復1,230円のケーブルカー運賃を支払う乗客を確実に収益圏へ導くことはできません。無料という名分は、冷徹なまでに計算された「収益閉環」の一部なのです。

🍔 3. 舞鶴公園の「屋台王」：弾丸ヘッドが放つ圧倒的な存在感

一方、舞鶴公園のイベント会場で異彩を放っていたのが、鮮やかなイエローに染まった旧型「弾丸ヘッド」のコースターでした。

* デザインの転生：元は「通園バス（スクールバス）」であったことは、この鮮やかな黄色から明白です。子供たちの温かい記憶を、「屋台王」という力強い名分に書き換え、祭りの戦場で「食の移動要塞」として再起する。

* 実用美の極致：フロントの行先表示器を潰し、看板を掲げたその姿は、西工の職人魂にも通ずる「無駄のない実用美」を感じさせます。

考察の結び：

皿倉山では制度内の「精密な歯車」として、舞鶴公園では祭典を彩る「孤高の表現者」として。コースターという土台がいかに強靭であるか、改めてその名分を確認した次第です。

【西工魂】糸島海邊 E-III 老兵：二見ヶ浦 12:41 嘅營運真相實測

【Blogger 引言簡介 / 日本語読者の皆様へ】

睇廣東話嘅朋友，拉落去日文字下面，直接開始呢段關於糸島 12:41 嘅故事。

Facebook / 日本バス友の会 からお越しの方へ：

詳細な解説や「12:41の運用真相」については、SNSですでにお読みいただいているかと存じます。ここでは、SNSに掲載しきれなかった西工 E-III (0327) の細部写真（フロント・リア）や、2種類の時刻表データ（看板路線 vs ローカル路線）といった「視覚的な証拠」をじっくりとお楽しみください。

検索や他サイトからお越しの方へ：

まずは糸島の海風を感じる写真をご覧いただいた後、中段にある考察レポートをぜひお読みください。昭和自動車の看板路線「ウエストコーストライナー」に隠された、西工 E-III という末代老兵の救済に関する詳細な分析をまとめています。

---

【西工魂】糸島海邊 E-III 老兵：二見ヶ浦 12:41 嘅營運真相實測

去福岡糸島（二見ヶ浦）睇海上白色鳥居、夫婦岩同隨意門，對普通遊客嚟講係「打卡」。呢啲打卡位其實都好啱我，不過喺等嘢食嘅時間，我見到嘅除咗美景，仲有呢度嘅「班次稀缺性」，同埋一份屬於九州嘅「末代工業遺產」。

📊 影緊時間表，結果奇蹟空降？

2026-03-23

喺二見ヶ浦，巴士班次疏到可以令人絕望。睇返我影低嗰張昭和巴士（Showa Bus）時間表，往博多・天神方向，一小時得嗰兩班車。

當時係 12:41，我正喺度研究緊呢個一小時得兩班車嘅絕望班次。點知 3 分鐘後，下一班往市區嘅 West Coast Liner 準時喺 12:44 殺到。根據我影相嘅紀錄，呢位老兵喺 12:46 已經準時關門走人。

由影時間表到目送佢離開，呢 5 分鐘嘅快閃遭遇，證明咗糸島巴士雖然班次稀缺，但營運精準度極高，絕對係「車不等人」。

🚍 型號診斷：似巴士嘅旅遊巴 —— 西工 E-III (0327)

呢架捕獲到嘅 昭和巴士 0327 (福岡 200 か 27-82)，身分極之神奇。佢唔係普通市區巴士，而係由西日本車體工業（西工）打造嘅 E-III (E-3) 車身。

之所以話佢有一種「似巴士又似旅遊巴」嘅奇妙平衡，係因為佢骨子裏採用咗 2010 年製嘅日產柴油 (UD) PKG-RA274TAN 旅遊巴底盤。正因為擁有呢份 High-Decker 基因，佢行高速公路或者窄路嘅穩定性遠超普通巴士，但外觀卻保留咗西工標誌性嘅方正線條。喺糸島嘅海景下，呢架綠色老兵有一種同環境完美融合嘅「鄉村救贖感」，但去到博多駅前，嗰份「歲月痕跡」又會帶嚟另一種時空錯位嘅魅力。

昭和巴士UD PKG-RA274TAN 福岡 200 か 27-82 離開二見ヶ浦ざうお本店前

https://youtu.be/1biMGQ16WcM?si=p9K7yaCaguP4WsZ0

車尾

喺糸島嘅藍天大海同棕櫚樹背景下，呢架綠色老兵有一種同環境完美融合嘅「鄉村救贖感」。但想像一下，如果佢行入博多駅前，佢嗰份「歲月痕跡」就會變得極之殘舊。呢種時空錯位，先至係考察最正嘅地方。

🔍 意外嘅真相：時間表示意圖 vs 現場實物

最令人意外嘅係，昭和巴士時間表上面張「示意圖」，明明係一架流線型、現代化嘅正統高速旅遊巴。點知出到嚟現場，竟然係呢位西工 E-III 老兵。

相比之下，負責島內服務「九州大學線」嘅藍色巴士（影唔到，但有時間表為證），人哋係老老實實出市區車。估唔到昭和巴士喺呢條「皇牌快線」入面，竟然送我一份咁驚喜嘅「貨不對辦」。

💡 考察總結：等車時間可以變快

正因為糸島二見ヶ浦呢度係「車不等人」，所以我真心建議：做完最重要嘅嘢——影低時間表之後，你先至好去學我咁「搵嘢做」。一邊食住燒帆立貝、一邊繼續同海上鳥居打卡，咁樣等車時間先會變快，而且唔使擔心會錯過嗰 120秒 ，而又要等多一個鐘。

雖然我今次有親戚接送可以行多幾個景點，但作為考察者，班次真相都好重要。因為證明搭巴士唔係完全去唔到，下次無人車嘅時候，都有機會重臨舊地。

タイトル：糸島の海岸線を駆ける「西工魂」：昭和自動車 E-III (0327) 5分間の運用実測記録

皆様、はじめまして。香港のバスファンです。

先日、糸島の二見ヶ浦を訪れた際、非常に興味深い「西工の救済」とも言える運用を目撃しましたので共有させていただきます。

📊 12:41のデータ救済：5分間のシャッターチャンス

二見ヶ浦のバス停でダイヤを調べていた12:41のことです。1時間に1〜2本という「絶望的な」本数の中で、ちょうど12:44発の博多・天神行き「ウエストコーストライナー」が定刻通り現れました。

私のカメラの記録によれば、この老兵は12:46にはドアを閉め、次の目的地へ向かっていきました。わずか2分間の停車。この120秒の間にシャッターを切らなければ、次は1時間後まで待たされることになります。糸島バスの「車は人を待たない」という正確なオペレーションを肌で感じた瞬間でした。

🚍 型号診断：西工 E-III (0327) のハイデッカー遺伝子

捕らえたのは、昭和自動車 0327 (UD PKG-RA274TAN)。西工 E-III (E-3) ボディ です。

観光バスのシャーシを使いながら、西工らしいスクエアな顔を持つこのモデルは、糸島の海岸線において、都会で見せる表情とはまた違う、力強い郷村の救済感に満ちていました。

🔍 運用の対比：ローカル路線 vs 看板路線

興味深かったのは、車両の使い分けです。九大学研都市駅行きのローカル路線にはブルーの市街地用車両が充当されていましたが、都心へ向かう看板路線「ウエストコーストライナー」には、案内図の流線型最新バスとは裏腹に、あえてこの「西工の重鎮」が投入されていました。

【日田隨筆】喺福岡見唔到嘅「甲蟲」：日野 Poncho 嘅專業救贖

【引文簡介 / 日本語読者の皆様へ】

睇廣東話嘅朋友，拉去下兩段日文字下面，直接開始故事。

日本のバスファンの皆様へ（各Facebookグループよりお越しの方へ）：

SNSでの投稿をご覧いただきありがとうございます。日田駅前で迎えてくれたライトブルーの「水郷」仕様（SKG-HX9JLBE）、その爽やかな第一印象は今でも鮮明に残っています。

しかし、私がこのブログで本当に皆様にお見せしたいのは、その後に古い街並みで見つけた「オレンジ色の甲虫」の姿です。

ページをスクロールしていただくと、豆田町のレトロな丸型ポストと見事にシンクロした、日野ポンチョの機能美を捉えた写真を掲載しています。

香港のバスファンが、なぜこの「南北の色彩運用」にこれほどまでの精算された美学を感じたのか。写真と共にお楽しみいただければ幸いです。

講起日本小巴，大家第一時間諗起嘅可能係日本街頭周圍都係、掛住豐田標嘅 Toyota Coaster。但當我離開福岡市中心去到日田市，終於見到呢架喺福岡極之罕見、堅持掛住日野標嘅 Hino Poncho。

1. 唔使睇路線圖，車身文字已經解釋咗一切

2026-04-24 12：21 日田

我無特登去搵路線圖，單憑觀察呢架橙色「甲蟲」車身上寫住嘅文字：「C 豆田、光岡、朝日三隈高校方面」，就已經一眼睇穿咗佢喺呢個小鎮嘅生存邏輯。

呢架車唔係跑長途嘅客運，而係一條精準嘅民生血脈。佢要同時搞掂三種完全唔同嘅硬核需求：

• 豆田（觀光與窄路）：日田「小京都」嘅路窄到大巴入唔到，Poncho 嘅短軸距同超大視野，正係穿插窄路嘅神器。
• 光岡（在地生活）：住宅區入面嘅老人家要去醫院、去買嘢，Poncho 標誌性嘅「全低地台（Non-step）」就係佢哋嘅救贖。
• 朝日三隈高校（學生通勤）：標明「高校方面」，代表佢仲要負擔埋學生哥返學放學。

2. 「豐田細車、日野大車」嘅名份執著

以前日本工業界有一套默契：豐田專做細車，日野專做大車。雖然今日兩間公司係一家親，但呢架 Poncho 依然堅持唔掛豐田標，就係為咗守住呢份「專業巴士」嘅尊嚴。

比起 Coaster 嗰種由貨車底盤演變出嚟嘅「通用感」，Poncho 由底盤開始就係為咗公共交通而設計嘅「專業巴士」。全低地台、快上快落嘅氣泵門，呢啲都係為了應付日田呢種要兼顧老人家同學生哥嘅複雜環境。

橙色嘅溫情守護

喺福岡，我哋見到嘅係追求效率、商業精算嘅 Coaster 霸權；但嚟到日田，呢架橙色嘅 Poncho 話畀我聽：豐田負責生活嘅延伸，而日野則負責專業嘅守護。

最令人心動嘅畫面，係呢架橙色小巴駛過街角同樣係橙色嘅舊式圓柱郵筒。呢種視覺上嘅巧合，好似象徵住呢種現代嘅「專業救贖」同古樸小鎮之間嘅完美融合。喺「久留米大龍拉麵」門前捕捉到呢抹身影，先至係最真實、最在地嘅九州考察。

【落車回憶】一切名份嘅起點：淺藍色嘅第一印象

寫到最後，想分享返一個「倒敘」嘅片段。其實喺我深入老街發現嗰抹橙色之前，喺日田巴士站落車嗰一刻，迎接我嘅第一樣嘢，係呢架同藍天幾乎融為一體嘅淺藍色 Poncho。

11：54 日田高速巴士站

📊 第一直覺：

當時第一眼見到佢，真係覺得呢隻色揀得好大膽。雖然藍色車身配埋嗰日嘅大藍天，喺攝影角度睇可能有啲「保護色」，但呢份清爽感正正對標住日田作為「水鄉」嘅名份。

💡 考察筆記：一冷一暖嘅營運佈局

返去睇返資料先發現，呢對一冷一暖嘅「雙色甲蟲」，背後係一套極之專業嘅視覺導航系統：

淺藍色線（隈・庄手路線）：帶你向南走，進入三隈川嘅水鄉溫泉。

橙色路線（豆田路線）：帶你向北行，進入豆田町嘅歷史街道。

呢兩架車喺日田站前交匯嘅一刻，先至係呢個由西鐵集團操盤、但充滿地方靈魂嘅交通體系最完整嘅精算呈現。對我嚟講，呢抹淺藍色係日田畀我嘅「第一印象」，而嗰抹橙色就係呢場考察最精彩嘅「意外收穫」。

タイトル：【日田駅前】青空に溶け込むライトブルー。でも、本当の「救済」は街の奥にありました。

香港のバスファンです。日田駅に降り立った瞬間、まず迎えてくれたのは、この青空と見事な一体感を見せるライトブルーの日野ポンチョでした。水郷・日田の玄関口として、これほど爽やかな「名分」はありません。

しかし、日田のバス運用の真髄は、ここだけではありませんでした。

古い街並みが残る豆田町方面へ向かうと、そこには全く異なる「オレンジ色のポンチョ」が、街角のレトロな丸型ポストと奇跡的なシンクロを見せていました。

📸 街の歴史を背負った「オレンジ色の甲虫」の写真は、ブログに掲載しています。

ライトブルー（隈・庄手路線）とオレンジ（豆田路線）。この南北で明確に分けられた色彩による「視覚ナビゲーション」は、西鉄グループによる極めて高度な運営精算の結果だと感じました。

【巴士考古】龍崗長途站：深圳最後嘅「純黃牌」孤島，Neoplan 與宇通樣辦車嘅時空罅隙

如果睇過我上一篇《粵港菠蘿雞》，落車地點係蓮塘，點解我最後會流落到呢個位於深惠路邊、殘舊到好似上世紀產物嘅龍崗長途汽車客運站？

原因好簡單：我要去惠東鄉鎮「接人返香港」順便玩。知道香港嘅直通車可以去到惠城，但如果咁轉時間太耐，所以會試下去龍崗呢個中間點碰運氣。試圖喺呢個「東莞影子」嘅原始座標入面，搵到一架可以帶我突圍嘅巴士。

入到去，我發現無我需要嘅地點，但目的地已經唔重要，因為呢度根本係一個「巴士考古嘅活化石現場」。

1. 視覺震撼：深圳唯一嘅「零綠牌」站場

喺 2025/2026 年嘅深圳，無論係口岸定係市中心，綠牌電巴已經係「標配」。但喺呢個龍崗長途站，我放眼望過去，竟然一架綠牌車都無。

2026-04-24 12:18

成個站場清一色掛住代表燃油時代嘅黃色號牌。呢度無售票機、無電子顯示屏，甚至因為個站夠細，從頭到尾都係行「人手售票模式」。呢度拒絕咗數碼化，亦拒絕咗電動化，守住咗深圳最後一塊柴油煙同埋重型機械嘅陣地。

2. Neoplan 嘅傳奇遺產：北方 vs 青年

最令我呢個巴士迷停低快門嘅，係 Neoplan 血統喺呢度嘅「黃昏聚首」。呢度根本係一場關於技術、軍工同埋商業興衰嘅對話：

• 北方 (NORINCO) 嘅軍工硬頸：
  場內最震撼嘅係幾架殘到出土文物咁嘅「北方」。背靠中國兵器工業集團嘅軍工血統，呢啲老牌 Neoplan 門生有一種「死唔去」嘅氣場。即便運發咁大間公司，竟然仲留住呢啲老兵喺龍崗跑硬仗，而唔係換晒做新車，證明咗軍工品質嗰份「耐操」先至係呢度嘅生存法則。
• 青年 (Youngman) 嘅末代唏噓：
  隔離竟然仲見到已經倒閉咗嘅「青年」。呢啲當年長途客運嘅「網紅」，依家變咗做無售後、無零件嘅「孤兒車」。見到佢哋仲喺度跑，你會感嘆民營野心喺現實磨損下嘅落魄。
• 
  
  

3. 宇通樣辦車：被貶凡間嘅「旗艦孤兒」

場內另一大看點，係一架身披宇通 (Yutong) 原裝廠色嘅樣辦車（Demo Bus）。

呢架車原本應該係廠方嘅科技結晶，擁有最高規格嘅「全配」硬件（例如氣囊避震）。但喺呢個「階級倒掛」嘅環境下，呢位貴公子竟然顯得好「低級」。因為喺呢度，大家唔睇你係咪 Demo，只睇你係咪「搵食車」。睇住佢醒目嘅原廠字樣，擋風玻璃上面寫住目的地係廣西「賓陽」。

諗下呢架原本要嚟做展覽、做測試嘅旗艦樣辦車，依家竟然要喺龍崗長途站，準備一場千里迢迢、橫跨兩省嘅長途硬仗，對比返隔離班 Neoplan 老兵嘅「大感覺」，真係有一種英雄落難、回歸生活嘅滄桑。

4. 廣西線嘅「錯層邏輯」

呢個站係通往廣西、貴州等西南地區嘅大本營。場內大巴接近全部採用錯層（High-decker）設計。

呢種設計完全係為咗嗰個巨型行李艙，去應付省際長途線嗰份沈甸甸嘅民生需求。一架白色印住紅色大字「貴州交運集團」嘅宇通，定義咗呢度最硬核嘅生存邏輯——無論你出身幾高貴，嚟到呢度，你唯一嘅價值就係帶住滿車鄉愁，平安抵達千里之外。

結語：關於「同一個地方」嘅專業後悔

影完呢堆 Neoplan 同宇通樣辦車，我望住出面混亂嘅龍崗大道，做咗一個「普通人類」嘅決定：我直接投降 Call 車。

喺呢度，我要對自己嘅開荒程序作一個深切嘅反思。雖然當時地鐵圖顯示去回龍埔（龍崗汽車總站）仲要搭多幾個站，地面銜接又唔清唔楚，但我其實應該要行埋呢一步。

真正嘅實測，應該係去埋回龍埔，親眼確認嗰度到底有無車去平山（城南客運站）。如果有，我就係贏返個數據，搵到一條優雅嘅入城路徑；如果無，我先至 Call 車，咁樣成個「龍崗交通全滅」嘅論證先至係 100% 成立。

我當日選擇咗「肉身止蝕」，但犧牲咗「數據完整」。呢份焦慮，令我俾多咗 ¥200（仲要受壞司機氣）之餘，仲留低咗一個永遠嘅問號。

開荒牛嘅教訓係：喺交通地獄入面，如果你唔行埋最後一個「啱」嘅車站，你永遠唔會知自己係咪真係輸咗畀個制度，定係只係輸咗畀自己嘅直覺。

---

巴士考古數據存檔：

• 地點：龍崗長途汽車客運站（深惠路旁）。
• 關鍵車種：北方客車 (NORINCO)、青年尼奧普蘭、宇通 Demo Bus (目的地：賓陽)。
• 號牌特徵：全場黃牌（燃油車堡壘），無綠牌介入。
• 營運模式：純人手售票，無電子顯示屏。

$19 點樣坐到左軚「菠蘿雞」？

2026-04-24

一路都知道香港各區都有中港通或者永東直通巴士去蓮塘口岸，唔一定要搭專利巴士。荃灣一般票價係 $29，想有優惠就要各大旅遊平台買飛。今次 HopeGoo 有優惠，$19 就買到飛。今次想去惠州，知道地理上蓮塘去惠州最方便，所以一早定買飛，順便享受呢個優惠啦！

今日行去荃灣德海街站頭，見到一架粵港色嘅菠蘿雞（Marcopolo車身Scania）停喺度，車尾左邊仲寫住「左方向駕駛」。

9：34

我心諗：呢啲高級車，通常跑長途線，唔會淨係做口岸，所以要搭到車費要百幾蚊，所以一早打定輸數啦！巡例問下職員上邊架，佢竟然話：「呢架囉，同前面橙色衫講就得。」

開車前，司機喺窗邊攝咗張紙，上面同時有粵港同中港通 Logo，原來兩間公司而家合作咁緊密。因為記得係左軚車，我同其他客唔同，無搵前門，而好自然識得行去中門上車。

9：37

上到車真係爽，呢架 MW3045 係 47 座超厚位，對腳可以完全伸直，包覆感都好好，好過環島平時嘅 51 座地球殼太多倍。 $19 蚊坐到呢種長途車等級嘅舒適，香港段真係抵到爛。

粵港Scania K410IB4x2 MW3045@中港通蓮塘 悅來酒店→吐露港公路

https://youtu.be/FOXFH2gUA5s?si=gVNhHvThZVbCXeWl

粵港Scania K410IB4x2 MW3045@中港通蓮塘吐露港公路

https://youtu.be/pTJu_8IYkRk?si=t_kg2MuBmXkKPAOU

拍唔到龍山隧道之後，係因為要聽電話

10：20 香園圍管制站