元朗大型居屋朗天苑（前身為朗邊中轉屋）落成入伙後，因為地盤比以前擴大咗，加上結合咗全新嘅公共運輸交匯處（巴士總站），成個屋苑立體化咗好多。初次到訪或者剛入伙嘅居民，如果只睇 Google Maps 或者巴士 App，好容易會行多咗路甚至迷路。
今次我們特意親身行去朗天苑，以實地步行探索嘅第一手動線，帶大家由周邊巴士站行到門口，再問保安尋找基座巴士總站，順便實測夜晚搭車嘅真實體驗！
一、 地圖教嘅標準行法：門口「朗天苑朗松閣」與附近「元朗公園」站
行過去朗天苑，最直接又係地圖最常指引嘅，就係利用青山公路－屏山段兩側嘅巴士站。
1. 附近落車首選：「元朗公園」巴士站（YL262）
如果你搭乘市區、口岸或機場返元朗嘅大線（例如 268C、268X、968、A36、E36、B1、B11 等），好多時唔會直接停喺屋苑門口，但可以在「元朗公園」站落車。
* 現場指示：現場巴士站牌（YL262）下面已特別加設醒目嘅紅色「朗天苑 Long Tin Court」指引牌同箭嘴。
*實際步行路線：今次實際按指示步行時，會跟住巴士行車方向前進，需要橫跨幾條馬路，最後就會順理成章行到下一個巴士站——「朗天苑朗松閣」。
*今次10：22PM由元朗民政事務處出發，去到呢個位置10：31PM，下一個巴士站紅綠燈順利嘅話，需要大約2-3分鐘
2. 屋苑門口正門：「朗天苑朗松閣」巴士站
位於屋苑門口青山公路旁，係完全免步行直達屋苑嘅常規站點，路線包括：
* 港鐵巴士 K65：往來流浮山及元朗站（途經天水圍站）
* 九巴 68A：往來朗屏邨及青衣站（經屯門及藍地）
* 九巴 68X / 268X：往來洪水橋及九龍市中心（旺角/佐敦/高鐵西九龍站）
* 嶼巴 B2：往來元朗站及深圳灣口岸（跨境極方便）
💡 車費與動線推斷（68M vs 68A）：
雖然未有進行實地動態鬥快，但按交通網絡推斷：如果想出荃灣，雖然喺門口搭 68A，唔需要行咁多，但車費要 $12.5，而且路線需繞經藍地同屯門市中心，車程較慢；如果唔介意行多幾步路去元朗西總站搭 68M（車費 $11.5），既平咗 $1，亦快得多！
二、 門口意外驚喜：專屬「紅色 8 號小巴」
沿路行到朗天苑門口（朗松閣側門外），會發現一個非常貼心嘅驚喜——紅色小巴 8 號線 嘅專屬候車處！
小巴 8 號線（朗天苑 ↺ 朗屏站 循環線）
* 候車位置：朗天苑朗松閣側門外（現場設有清晰嘅黃色候車牌，上面仲寫有查詢同留位電話：97888418）。
* 詳細途經站點：朗天苑 ➔ 山水樓 ➔ 港鐵朗屏站 ➔ 大橋街市 ➔ 擊壤路（元朗西巴士總站） ➔ 元朗廣場 ➔ 水邊圍 ➔ 返抵朗天苑。
* 實用價值：車費 $5.5，全日密密開。對於不想行路去朗屏站轉乘屯馬綫，或者想去元朗市中心/大橋街市買嘢食飯嘅居民嚟講，呢條係最直接、最舒服嘅屋苑專線！
三、 深層探索：問保安先搵到的基座巴士總站與「九巴 63 號」
行完門口，想去新落成嘅公共運輸交匯處（巴士總站），你會發現成個朗天苑佔地極大，巴士總站甚至佔用咗以前靠近公路嘅部分舊行人路，加上基座建築同圍欄未完全清場，視野唔係一眼望晒。
離開屋苑閘口，正式進入總站前，意外發現了一條古典設計嘅綠白色鋼桁架行人天橋，並且見到有指示牌顯示可以通往元朗公園。不過，因為今次未能完全確定其確切的上下橋連接點，故暫作記錄，留待下次有機會再重新探索！
正式進入後會發現這個總站規模龐大，鋼架天花與通花金屬外牆非常有現代感，整體建築風格跟天水圍站或洪水橋洪福邨嘅公共運輸交匯處，風格相當相似。
實測：總站內唯一一條路線，九巴 63 號（朗天苑 ➔ 屯門公路轉車站）
站牌
因為 63 班次較少，大約45-50分鐘一班，但因為正常班次經過公路同站點少，如果夾啱時間，佢係隱藏嘅「慳錢神線」！
* 夜間實測紀錄：
* 用車：ADL E200 10.4M 雙門版單層巴士（PW4063）
* 開車時間：10:44PM（編定尾二班次，全車只有筆者一人）
* 行車時間：由朗天苑總站直上元朗公路及屯門公路，僅花 19 分鐘（行駛 14.7 公里）即抵達屯門公路轉車站（往市區方向）。
63 開車直接到元朗公路，到達屯門市中心屯仁街，上屯門公路繼續加速，雖然因為道路設計關係，遷就屯門公路轉車站屯門方向下層做總站，市區方向停站要兜上左邊，同青山下路巴士線停同一位置，增加少少行車時間，但因為其他路線班次多，對轉車時間影響不大。
KMB ADL E200 10.4M 雙門版 PW4063@63 朗天苑→元朗公路https://youtu.be/DD7BBckvg2c?si=qJFAK5q7wMkvnimq
KMB ADL E200 10.4M 雙門版 PW4063@63 元朗公路→屯門公路轉車站（市區方向）
https://youtu.be/UBygmvbSig0?si=aSu0SsoTvp85T1Yq
11:02PM 屯門公路轉車站 市區方向
https://youtu.be/UI2pPbipUpA?si=vE7Wd3wrZulVEyrk
* 轉乘往屯門：今次只搭到市區方向，如果搭到總站（往屯門/元朗方向）轉車站，應該需時約 2 至 3 分鐘，但全程控制仍然少過半個鐘内。
⚠️ 路況備註：
今次測試時間為夜間非繁忙時段，一路暢通無阻。如果日間甚至早上繁忙時間搭乘，青山公路同屯門公路車流較多，建議額外預留 10 至 15 分鐘塞車及等候時間。
💡 票價驚喜：63 ➔ 屯轉「免費轉乘」荃灣M線
屯門公路轉車站設有轉乘優惠，但根據經驗，53同68A元朗上車，需要補多$0.4，今次搭 63 號（$10.2）到達屯轉後轉乘 59M 往荃灣，第二程車費完全免費，相當驚喜！
* 總車費：$10.2（比門口搭 68A 的 $12.5 平咗足足 $2.3，亦比行去搭 68M 的 $11.5 平咗 $1.3）！
* 總結：只要夾啱時間，呢個組合絕對係朗天苑居民前往荃灣/葵青區最平、最爽嘅行法！
11:20PM 荃灣站
📝 朗天苑居民出行攻略總結
* 初到貴境／日常買嘢：認準門口 紅色 8 號小巴，一坐即到朗屏站與元朗市中心。
* 市區返家：乘搭各大主力路線喺 元朗公園站落車，行幾分鐘返到屋苑。
* 精明去荃灣：時間配合到就入總站搭 63 號去屯轉免費轉 M 線（$10.2）；錯過 63 號又想穩定，行少少去 元朗西搭 68M（$11.5）會比門口搭 68A（$12.5）更平更快！
