免費試新電動小巴

上一篇講到由蓮塘搭 E11 直抵深圳北，順利完成咗第一階段嘅通勤挑戰。但旅程仲未結束——因為最終目的地係「偽外星人基地」馬絲菲爾大廈，離開高鐵站之後，仲要搭一程地鐵去到陽台山東站。

​喺地鐵陽台山東站落車之後，行又太遠，的士又唔值，既然一出B出口就係巴士站，解決「最後一公里」呢個重任，一定係搭幾個站巴士。

站牌有停靠位置，但竟然無具體站點，呢條係一條臨時線？

點知一上車先發現：呢條路線竟然係免費嘅，用車係開沃 NJL6680EV4 電動小巴設備仲好好添！呢種「無縫銜接」加上免費接駁嘅小確幸，真係令人喜出望外。

呢架車完全打破咗我嘅偏見：上車後居然有清晰嘅廣播報站，落車鐘都用到，方便行響應式公交，甚至連座椅旁嘅 USB 充電位都係正常運作！呢條路線，能夠將免費接駁做到同正規公交線路一樣咁嚴謹同人性化，足見當地公共交通規劃嘅細緻，而唔係單純將你當成貨物咁載送到站就算。

2026-05-30

2：19PM 馬絲菲爾 

2：24PM

等多一陣，喺對面見到  粵B42569D多一次

之後去大浪又有搭多一次

2026-07-04

陽台山東地鐵站 1：29PM

SBG開沃 NJL6680EV4 粵B36449D@大浪時尚小鎮陽台山東地鐵站定製線 到達陽台山東地鐵站

https://youtu.be/5k7aVr0DV8I?si=wMjQD3ruLjFsYx0d

車內

今次補返報站片段俾大家

SBG開沃 NJL6680EV4 粵B36449D@大浪時尚小鎮陽台山東地鐵站定製線 陽台山東地鐵站→後浪新天地南

https://youtu.be/FOZ0qIO5xWg?si=SOQ8k4fz7nuoTZ-G

1：33PM 後浪新天地南

SBG開沃 NJL6680EV4 粵B36449D@大浪時尚小鎮陽台山東地鐵站定製線 離開後浪新天地南https://youtu.be/9ywFxYI9hkA?si=KgT6HzpMg1ZxEsOc

呢啲小巴穿梭喺園區同大浪市區之間，廣告車嘅鮮豔色彩，反而成為咗乏味路程中嘅點綴。從後浪新天地呢類熱點，搭上一架貼滿廣告嘅免費巴士，由市區嘅繁華，慢慢過渡到工業區嘅建築群，呢種色彩嘅轉換，正好將旅程由幻想帶回現實。

深圳週末出行神操作：善用深圳最密快線，體驗反方向豪華級別通勤

2026-05-30

去高鐵站，或者去龍華一帶打卡，你仲係習慣去福田口岸擠入地鐵 4 號線？如果你仲係跟足 App 嗰個「地圖推薦路線」，咁你基本上有一半時間都係罰企。

大部分人喺 App 度一按規劃，地鐵就係唯一選擇。但對於我嚟講，呢啲所謂嘅「最快方案」往往係一場災難：4 號線嗰種窒息級人潮，加上喺轉乘通道入面嗰種「無止境嘅行路」，根本唔係出行，而係受罪。

最近發現大家好鍾意嘅蓮塘口岸，有班次密集程度絕對係深圳之冠嘅快線，去到廣嶺巴士站，可以好快上車，只要¥10（如果有深圳通係¥7.25），就可以一人一個位坐旅遊巴去到目的地。講到呢度，你哋應該知道我講邊條線啦！

點解仲話係神操作？因為正常係要去南澳先會上車。我哋為咗避免喺地鐵車廂入面罰企，選擇坐喺窗邊睇風景，今次旅遊巴級別嘅舒適巡航，係要過對面馬路（地鐵C出口），先可以直抵深圳北站樞紐。

¥10比地鐵，或者一般巴士貴，但肯定比打車平。

望落係可以調較座位，但無咩冷氣嘅C8，不過反方向保證一定有位。所以只要識得運用反向思維，你完全可以用最少嘅錢，配置出最高級嘅通勤空間。

至於係邊條路線？熟悉深圳交通嘅「老司機」應該一眼就認得出，唔識嘅朋友，睇落去你就會發現呢個「交通彩蛋」，如果你真係唔知，呢度俾個路線圖你睇。

無錯，就係E11，去到巴士站好快好快車，只係因為一票制¥10，所以司機問我哋去哪裡，當佢知道答案係北站，都好驚訝。落車都有遮蓋，可以影相，更加指示清晰，路線都算舒適，只係因為最終目的地唔係高鐵站，所以仍然要要搭一程地鐵，至於去邊度，記得留意之後嘅篇章。