2026-10-18
1：50PM 深圳灣口岸
【隨性上車】
話說去到深圳灣口岸巴士站，本來想試下叫「前海有約巴」去桂灣轉地鐵，點知小程式一直顯示不在運營區（雖然深圳灣口岸唔算嚴格意義嘅前海，但實際係重要接駁點）。突然見到一架前後車輪軸距極特別、車尾方正嘅金旅純電動巴士準備開出去蛇口。既然隨緣，連具體路線都未睇清楚，上車先算！
【影完相驚覺「位不可多得」】
既然未搭過，上車搵個位坐低就要開始影相。雖然我係最後一個上車，但成個車廂空曠到似地鐵，心諗應該大把座位任我揀啦！
難得遇到呢架極致「無後懸」嘅奇特車型，企去後門附近，拎起手機，應該最容易影到呢個通透又平坦嘅車廂佈局。
點知影完相、準備坐低慢慢享受之際，仔細一睇先傻眼——全車座位竟然少得咁驚人！ 唔坐最前兩個倒頭位就要企，成架車竟然只係剩返車尾最後一個向前座位！好彩動作快少少，如果唔係呢 ¥2 車費就真係要由頭企到尾……
咁呢個怡寶售賣機都要放車尾，就知道咩事啦！
【技術解密：空間魔法】
2：01PM 海月地鐵站
既然目的地從來都唔係蛇口某處，而係地鐵站，搭兩個站喺海月地鐵站落車，都算足夠。
SBG金旅 XML6855JEVJ0C9 粵B82415D@M177離開海月地鐵站
落車例牌都要影架車，唔差在影埋離開嘅片。架車前後兩個車輪個輪圈竟然係一模一樣嘅！而且架車起步開走嗰陣，車輪中間個軨Cap，行駛時唔會行足全個圈，反而轉咗半圈之後，因為重錘配重而自我平衡咁擺返落嚟，動態非常得意。
睇落架車應該用咗大陸緊年好流行嘅輪邊驅動，取消咗傳統後軸個巨大傳動軸同中央差速器，後輪先可以同前輪一樣裝上呢款帶有懸浮配重機制嘅平整輪轂蓋！
https://youtu.be/TSJnONMT89o?si=pgyLMjSIHHFgn_Ss
事後研究返，原來呢架係金旅（XML6855JEVJ0C9）8.5 米純電動巴士，係深圳巴士集團近年好具代表性嘅 8米級一踏低地板純電動城市客車（屬於金旅新一代「川流」系列車型）。佢最魔幻嘅地方係採用咗極端嘅「無後懸」設計，令到車尾空間利用率極高、車廂地台更低平，方便乘客上落同企位，短短 8.5 米就載到 69 人。呢種設計仲有其他特點：
- 後門直接開到車尾： 傳統車型後門後面通常仲有車輪或一段車身，但呢架金旅嘅後門係直接開喺車尾最盡頭！
- 全平地台： 冇咗傳統車尾個「高後山」，全車由頭到尾一踏貫通，車廂內部企位空間被拉到最大，咁當然會令座位減少，但如果路線好短途，可能問題不大。
【轉角遇到 M418：即興盲盒第二彈？】
喺「海月地鐵站②」落車之後，本來打算行過去轉乘地鐵。點知抬頭一睇背後個溫馨提示，見到入口唔喺旁邊，要向東步行 130 米先去到 2/8 號線！
既然只係站名叫地鐵站，咁標準動作就係睇返頭先個路線圖搵巴士。睇睇站牌——竟然發現 M418（開往 桂灣地鐵站），有張 A4 紙顯示固定對開時間，都想睇下有無機會試到咁疏嘅線，最近一班係 2:30 由蛇口廣場開出。
當佢發車時間完全準時都好，半個鐘食少少嘢一定無問題，食完繼續等車。
(如果想睇我最後喺海月食咗咩快閃小食，可以睇返另一篇文章：https://pkd32-f00d.blogspot.com/2026/10/blog-post.html)
行過對面食嘢再行返站頭，短短路程已經發現呢度班次最密嘅依然係 M177。甚至根本唔需要刻意停低等車，過下馬路，已經見到啱啱搭過嘅金旅、無成功影到嘅南京金龍，仲有現場少唔得嘅最新比亞迪 B9 同最舊但算常見嘅 K8。
2：33PM
呢個角度比亞迪 B9 雖然都係一踏，外觀望落比上一代B8後山低啲，後門後面都仲有車輪，呢類車型大概可以叫做「短後懸」，望落座位係2+2排列，所以載客量比金旅少9人
2：38PM
又有一架B9
2：44PM
今次影到架帶有廣告嘅 K8，以呢個車齡嚟講仍然唔算罕見，但行過見到總會令人更想舉機影低。
等到過咗 2:30 都未見 M418 影，先反應過來原來 A4 紙上面寫嘅唔係到站時間，而係總站（蛇口廣場）嘅發車時間。問咗有經驗嘅朋友，知道由總站開出嚟海月大約需要 10 至 15 分鐘。
既然係咁，如果等到 3:00 都仲係無車，就可以死心返去向東行 130 米搭地鐵。 既然係行定班固定班次，預咗呢條線平時客量唔會多，應該會有一架小巴，甚至微巴。結果 2:47 到站嘅真係一架 6 米級 9 座位嘅宇通 E6 微巴！
講返呢批宇通 E6，背景其實相當有來頭——佢係巴士集團喺 2021 年 9 月招標買入 860 架新車之中嘅 52 架 6 米微巴，亦係自 2016 年以來，巴士集團第一次重新引入宇通品牌嘅公交車。車身採用藍白塗裝，喺 2021 年 12 月 23 日正式首航（首批行 108 路、234 路等），算係嗰次招標第一批落街行嘅新車。
【車廂配置與硬體規格】
- 座位佈局： 全車設有 9 個座位，採用春山半軟座（CS007-S-440 型）。無頭枕設計，顯得車廂空間感開揚啲，見到無後懸車內平坦嘅優勢；亦睇得出深圳巴士舒適度標準，已經由以往嘅純塑膠硬座，陸續過渡到呢類帶薄軟墊嘅座位。
- 車廂設施： 採用無塗層不鏽鋼扶手，車內裝咗三塊 LCD 乘客資訊屏，連風道位置都有多塊 LCD 顯示屏。
- 線路牌與底盤： 線路牌用通達產品，頭尾牌係可調顯示格式嘅三基色 LED 屏，側牌就係 LCD 屏。前後車軸都係精益達出品，並採用氣囊複合懸掛。
SBG宇通E6S 粵B36294D@M418 半島花園北→文竹園
https://youtu.be/P7DuGNVTWRI?si=gP448x5wKGxajLVp
SBG宇通E6S 粵B36294D@M418 蛇口沃爾瑪→南海中學
https://youtu.be/z7XB2gLmL-M?si=Exmc7yTwq-MGy8Kl
雖然車仔細細，加上三四年貨仔，但有氣囊複合懸掛加持，對於呢類定班短途接駁嚟講，行車坐感算係相當平穩舒服，動力亦尚算足夠。
全車客量雖然大致坐滿，但今次好在人人有位坐、無人要企，成趟車體驗真係非常舒服！
SBG宇通E6S 粵B36294D@M418 前海合作區
差一個站，即刻補飛影入拱門
https://youtu.be/qaDS_ylo-9M?si=IuWlogYYDkqyBpkV
3：18PM 桂灣公園
本身打算打到總站落車轉地鐵，不過一場去到，無理由淨係轉車，加上見到得意嘢，所以提早落車
一樣係電動微巴，但純電動？
SBG宇通E6S 粵B36294D@M418 離開桂灣公園
https://youtu.be/YbD70qSH1mw?si=flVmxV9hPBaYY2w8
經過前海深港現代服務業合作區各拱門之後，巴士站牌有埋繁體字
【壓軸彩蛋：前海自動駕駛微巴 —— 金旅 XML6606JEVY0 (B997)】
原來只要微信掃碼預約，有機會免費搭到另外一款無後懸電動小巴，今次更加係無人駕駛，企車門邊會自動開門。雖然主打微信小程式掃碼預約，但實際上車後必須向車上拍卡機展示預約碼，先算正式核銷。
車型身份與規格：
* 車型型號： 金旅牌客車 XML6606JEVY0
* 製造年月： 2024 年 5 月（車齡約 2 年，車身內外極為新淨）
* 額定載客： 乘坐人數 10 人
* 動力配置： 驅動電機峰值功率 100 kW，動力電池 522V / 173 Ah
* 車身特徵： 具備極具標誌性嘅「零後懸」外觀設計（車輪直逼車尾，幾近無緩衝空間）。
硬核感測器與 L4 級別辨識：
* 頂部接收器陣列： 車頂正中央與車身周圍裝設了顯眼嘅「蘑菇頭」激光雷達（LiDAR）及高精感測器模組。呢類外掛硬體不同於普通私家車或 L2 輔助駕駛的隱藏式設計，係判斷其具備 L4 級高度自動駕駛能力嘅最直觀實體標誌。
車廂佈局與坐感實測：
* 地台設計： 車門處設有一級梯級（二踏設計），並未做到全平低地台。分析認為係在 6 米極短車身、零後懸佈局下，為咗兼顧電池組、自動駕駛硬件空間及 10 個標準座位所做出嘅工程妥協。
* 車廂質感： 內部極簡、充滿未來感，採用黑藍雙色硬質塑膠座椅。 * 獨特坐感： 由於塑膠料用料厚實，坐上去嘅體感奇特，猶如將「室內會所兒童部座位」放大至成人尺寸；在行車平穩下意外地仍有一定嘅舒適度。 操作插曲：
* 配置安全員；行駛 B997 期間由系統全權自動控制，司機只作預備（駕駛座後方大屏實時渲染路面車輛與行人嘅虛擬圖像），但煞車調校偏向急速。
* 營運邊界（ODD）限制： 返回起點落車後，司機需重新接管方向盤以人手駕駛駛回站場，可見非標準編定路線依舊依賴人工操作。
SBG 金旅XML6606JEVY0 SG10007@B997 桂灣公園↺前海合作區
https://youtu.be/tRMhTmsiwg0?si=C0tFO-aSK8FzPDmB
坐住 B997 兜一個圈當係流動觀光真係好識嘆！唔單止歎住冷氣避開室外嘅猛太陽，仲可以舒服咁將前海一帶嘅摩天大樓、現代化街景同自動駕駛嘅車廂體驗一次過盡收眼底。12 分鐘就兜完一個圈，呢個效率真係非常爽手！比起行路或者慢慢等，坐喺車上既舒服又慳力，循環兜完一圈返到原本上車嘅公園之後，就可以繼續接下來嘅旅程。
【總結：極致實用主義嘅短途神器】
對於短途接駁、地鐵微循環嚟講，呢種「無後懸」、「輪邊驅動」嘅中小巴，無論佢係單門、雙門，人工駕駛定係自動駕駛，自然有車內平整同大企位，佈局上落車極快、載客效率極高嘅優點，放落唔同路線會有唔同效果。一次意料之外嘅即興上車，反而體驗到車廠喺純電動時代對車身結構同空間利用嘅極致探索，每次 ¥2 車費，都坐得太值！
