［釜山］回到機場巴士暫停時

釜山機場巴士（利木津巴士）之前係Busan Citytour Bus（부산시티투어/부산리무진）（即係之前有雙層巴士嗰間公司）經營，但疫情後因為人手短缺同營運困難，2024年7月1日起就已經停運。部分地方只可以搭地鐵或者包車，不過金海機場出發，除左本來嘅307，都仲有巴士去海雲台嘅。今年6月我就試過一次啦！

釜山金海國際機場一出巴士站，已經有相關告示

再向前行，就有普通公共巴士

釜山官方規定市內巴士（包括307同2029）都只可以帶20吋（50x40x20cm）以下行李，大行李唔俾上車！🧳

2029係2024年7月新開嘅路線，主要係釜山市政府用嚟暫時取代停駛咗嘅機場利木津巴士（海雲台線）。作為替代方案嘅2029路線同以前利木津巴士差唔多，都經過機場，但本質上係市內急行巴士，所以車費平好多，只需要2,100韓圜。但行李同搭乘規定都唔同咗，官方規定只准帶20吋（50x40x20cm）以內、20kg以下行李，唔可以帶大行李上車，呢個規矩，仍然適用🧳。

307號巴士一直都有營運，無停過，疫情期間都仲有得搭。金海機場開始，除左西面、Centum City、海雲台等主要大站，仲會經過貨運區同好多住宅，票價約1550韓圜，優點係班次都幾密，如果行李細啲都有機會搭到。🚌

2025-06-21

金海國際機場

2：53PM

307用車第一批現代Elec City純電動版，大約係2017年底至2018年初引入。

側牌係電牌，結果車尾都係一大張貼紙

而新開嘅2029，同原本利木津巴士路線大致相似，主要站點如金海機場、西面、Centum City、BEXCO、海雲台等都有停，但細節上唔完全一樣，2029停站多咗（有19個站）。而其他停駛嘅利木津路線（例如南浦洞線），暫時未有政府提供直接替代巴士，主要都建議搭地鐵或其他市內巴士。

高速路線出現代Universe 旅遊巴不意外，原來係望落比較舊嘅雙門版本。

除左韓文同英文之外，原來地點轉頁會有中文同日文，之後發現原來釜山大部分巴士都有

上車

因為呢架車嘅設定唔係機場巴士，所以真係唔會有行李架

睇埋車尾向前更清楚，所以我地嘅喼放喺leg room最闊嘅車尾，不過無冷氣風口好鬼熱。

釜山 現代UNIVERSE SPATY 부산71자2869@2029 金海機場→周禮站https://youtu.be/kQfYqCvlssY?si=k_C04KJ6i1Og6wgQ

釜山 現代UNIVERSE SPATY 부산71자2869@2029 離開海雲台海水浴場

https://youtu.be/8XXlcJeirsU?si=cyL4eDA5lh2Cy2CP

2029號線雖然2024年先開，但主要用車係2011年版Universe，極少Universe Fuel Cell，原因主要有兩個：

1. 2029號係「市內急行公車」替代機場巴士，營運公司用現有車隊（2011年Universe）頂住先，未有新車資源分配。

2. 氫能Universe Fuel Cell多數分配去市區主幹線或者旅遊巴士，機場替代線暫時未納入氫能車優先名單，所以全線都係舊款柴油Universe。

2025-06-28

海雲台入口

6：23PM

頭先講過307密車啲，又平啲，本身打算等307，電子紙ETA話307仲有6個站，9分鐘到站，結果因為兩個喼拒載。

6：26PM

不過好好彩，307俾人拒載之後，全部的士都有人，甚至無車，要搭釜山最後一程巴士。

就係2029嘅氫能Universe Fuel Cell

去程未試過搭307，海雲台去機場，上307真係俾人拒載過。即使2029有行李架，規則都未改，司機有權拒載大件行李，所以我地上車之後，完全無客。

（不過實際上，我地海雲台上車之後，去到周禮站先再有人上車，所以你懂的😎）。

8：03PM 金海國際機場

2025年7月31日開始，機場巴士由慶南高速New Busan觀光公司（경남고속뉴부산관광(주)接手，開返海雲台・機張同釜田・西面兩條路線，需要預先購票，票價9500，而作為替代方案嘅2029都喺同日功成身退啦！