細牌子，但唔算差

澳門青旅江西百路佳客車JXK6115 M/T (11.48米)@MW-74-42
https://youtu.be/_eLa-wqLm-A

7：01PM 銀河鑽石大堂
今日去銀河終於試到未搭過嘅車型—百路佳。部車唔知係咪因為算新，部車都算定，係過橋有少少陣。起步把聲似MAN旅遊巴，加速快少少就有舊躉嘅感覺（即係無DART把聲咁尖，但無普遍大陸車把聲咁拆）。把聲都好聽嘅（但兩種聲混合之後，就會有一種係大陸車嘅直覺，所以未必係康明斯），加上部車有推背感，整體上都係好玩嘅。

不過原來澳洲都有入（BCI），證明應該唔會太差

原裝座位唔算太高，但角度都舒服

司機落車

+

宇通

7：06PM 澳門百老匯

其實係咪路氹服務專線無左？銀河嘅指示牌只有港澳碼頭、氹仔碼頭、澳門國際機場同星際酒店。

原本想去氹仔食嘢，所以想搭去威尼斯人，但因為無牌，所以去返澳門，而搭去星際。

回程分別搭左銀河MT同永利MS牌海格，感覺行距夠闊。但因為港澳碼頭線永利同美高梅有整合，所以要兜一個圈先有車。

如果美高梅同永利港澳碼頭線可以整合，感覺所有路線都可以放美高梅對面(即係港澳碼頭線嘅位置)

而每間賭場嘅氹仔碼頭線同機場線可以合併，一部車去兩個地方。

機場同氹仔碼頭咁近，而氹仔碼頭唔係特別多人，唔應該要兩條線。

甚至新舊永利、星際銀河都可以順便兜兩個口岸，更加環保整合，用盡部車。如果唔想減車，都可以開多幾條線，遊客可以更方便，普通人有更多順風車坐。

更長遠甚至可以要求賭場負責補貼/營運巴士路線。因為名義（講緊金沙集團堆MAN應該係自己買，但俾唔知中旅定歧關管理）上巴士同賭場用車係來自同一集團。一係就AA(新福利)，一係就中旅(南光集團，即係剩返兩間)，無理由唔補貼下。