首試電動蟲

一般電動車行車時比較高音，呢部車行車好沉，回音好大(上到公路一樣好大聲)，只係尚算平穩，無「古有木頭車，今有五洲蟲」嘅感覺
日日6：15PM都見到部車由上水總站轉走，原來部車開6：10PM

冠忠五洲龍E10純電動巴士 車尾

冠忠五洲龍E10純電動巴士 TF8710@NR902 上水

http://youtu.be/HvjvcNW4q8w

好嘈，好大回音，上到公路都一樣無靜到（不過錄唔到）

唯一優點就係個內裝算豪華（個位唔關五洲蟲事）

坐正佢返樓下,真係無其他0野
比形容佢係當年中巴架LW1(丹尼士Loline III)更貼切...

一上公路就「聲大夾惡」,
連平時嘈到想小弟「開火」0既大聲手機客把聲都蓋過...
(只係坐太平門位0既尾三排...都已經可以搞成咁...
夠驚嚇未呀?!)
除0左呢把怪雞0既引擎聲之外...真係無人再敢講手機...
(哈哈,小弟都講過巴士上講手機,一定附送引擎雜聲
聽電話0既、坐各位隔離0既...通通中招...
所以OT勸多句:千祈唔好養成呢個習慣!
開罵事小、得罪電話筒另一邊0既對方事大!)

返來講講架蟲蟲巴士有幾唔惦先...
除0左嘈音極大、連講手機都講唔到之外...
仲有,架巴士一轉向之時,怪聲特別響亮
(車軸全新0既車款,竟然轉個彎都出事?
嘩,仲以為自己坐緊勝利二型雞車個導航位...
0個種心慌慌程度:仲以為睇緊<鬼巴士>0忝呀!)

到底蟲蟲公司
係唔係唔想同香港0既旅遊巴公司「做生意」0架?
唔檢查清楚就運去香港...等小弟又多個理由
「恥笑」間巴士製造商「豆渣宴客」?!